પ્રિન્ટ કરી શકાય તેવી પ્રવૃત્તિઓ

સારા (અને ખરાબ) સમાચાર ઑનલાઇન બહુ ઝડપથી ફેલાય છે અને લાંબો વિચાર ન કરતા બાળકો એવી મુશ્કેલ પરિસ્થિતિમાં મુકાઈ જાય છે જેના પરિણામો લાંબા સમય સુધી અસર કરતા હોય છે. આનો ઉકેલ શું છે? તેઓ જાણતાં હોય અને ન જાણતાં હોય તે લોકોની સાથે શેર કરવાની રીત શીખવી.

ઑનલાઇન લોકો અને પરિસ્થિતિઓ હંમેશાં એવા નથી હોતા જેવા દેખાય છે એ વિશે બાળકોને જાગરૂક થવામાં સહાય કરવી એ મહત્ત્વનું છે. ઑનલાઇન સલામતીમાં અસલી અને નકલી વચ્ચેનો ભેદ પારખવો એ સૌથી વાસ્તવિક પાઠ છે.

વ્યક્તિગત પ્રાઇવસી અને સુરક્ષા જેટલી ઑનલાઇન મહત્ત્વપૂર્ણ છે એટલી જ ઑફલાઇન મહત્ત્વપૂર્ણ છે. મૂલ્યવાન માહિતીનું સંરક્ષણ કરવાથી બાળકોને તેમનાં ડિવાઇસ, પ્રતિષ્ઠા અને સંબંધોને નુકસાન થતું અટકાવવામાં સહાય મળે છે.

ઇન્ટરનેટ એવું શક્તિશાળી ઍમ્પ્લિફાયર છે, જેનો ઉપયોગ હકારાત્મકતા અને નકારાત્મકતા બન્નેને ફેલાવવા માટે કરી શકાય છે. બાળકો ઑનલાઇન પગલાં લેવામાં "અન્ય લોકો સાથે એવું વર્તન કરો જેવા વર્તનની તમે એમની પાસેથી અપેક્ષા રાખો છો" નિયમ અપનાવીને, અન્ય લોકો માટે હકારાત્મક અસર ઊભી કરીને અને ગુંડાગીરીભર્યા વર્તનને જાકારો આપીને સૌથી સુરક્ષિત અને લોકપ્રિય પગલાં લઈ શકે છે.

ડિજિટલ પ્રકારની કોઈપણ અને બધી મુલાકાતો પર લાગુ થતી એક બાબત આ છે: જ્યારે બાળકોની સમક્ષ કશુંક સંદેહાત્મક આવે, ત્યારે તેઓ કોઈ વિશ્વાસપાત્ર વડીલની સાથે સહજતાથી વાત કરી શકવાં જોઈએ. વડીલો ઘરે અને વર્ગમાં ખુલ્લા મનથી થતી ચર્ચાને પ્રોત્સાહન આપીને આવા વર્તનને પોષી શકે છે.